Monday, November 8, 2010

Ka Jingiasengbah ka Seng Kynthei Unitarian Union Kaba 12

Sngewbha ia wan baroh sha Ka Jingiasengbah ba 12 (12th Annual Conference) jong ki Kynthei ka ban long ha Balang Tynring ha u Bnai December , ha ka 18 bad 19 tarik 2010.

Ia ka Lama jong ka Seng yn pynher noh ha ka Sngi saitjain (Saturday) ha ka por 1:00 noh phai sngi da ka President ka Seng Kynthei Unitarian Union ha shuwa ban long ka Board Meeting kaba yn pynlong hadien kata. La kyrpad ia ki member Board ka Seng Kynthei baroh ban poi sha katei ka jingialang.

Ki programme ki long kumne harum:

Jingiaseng Pdiang sngewbha 6:30 P.M (sngi sait jain)

Moderator: Kong Battinora Rani, President Seng Kynthei UUNEI
Kren Pdiang sngewbha : Balang Tynring
Nonglam jingiaseng: Kong Nelima Warjri, Nongkrem
Nongkren : Kong Doris Moom Mylliemngap, Jowai
Nongduwai: Kong Riansidora Swer, Mawkisyiem
Choir Balang Tynring
Pynwai da ka Moderator

Jingiaseng duwai : 8:00 A.M (Sunday)

Moderator : Kong Aiwil Mylliempdah, Mawkhasiang
Nonglam jingiaseng: Kong Snoh mynsiem Rangdong, Mawlat
Nongduwai: Kong Jilda Mylliempdah, Tynring
Pynwai da ka Moderator


Jingiaseng 10:30

Moderator : Kong Bahunsha Mukhim, Mawsynjri
Nonglam jingiaseng: Kong Riehtngen Shylla, Jowai
Nongkren : Kong Barberry Kharbuli, Nongkrem
Choir: Kong Bel
Jingpynkupburom ia I kong Moltfera Rani, Secretary, SKUUNEI iba la shakri la bunsnem.
Nongduwai: Kong Shrotibon Kharbithai, Kharang
Pynwai da ka Moderator

Jingiaseng 1:30 P.M.

Moderator: Kong Riana Nongbri, Nongkrem
Nonglam jingiaseng: Kong Wanlihok Mylliemngap, Laban
Nongkren : Kong Hajarmon Suting, Wahmawlein
Choir: Seng Kynthei, Jowai
Nongkren: Kong Newyork Nongbri, Nongthymmai
Nongduwai: Nongtalang/Mukhap
Pynwai da ka Moderator

Jingiaseng 5:30 P.M.

Moderator : Kong Juliana Mylliemngap, Laban
Nonglam jingiaseng: Kong Morilda Mynsong, Pingwait
Nongkren : Kong Aimerian Kharlukhi, Puriang
Choir:
Nongduwai: Kong Aikmen Synnah, Nongthymmai
Kren ai Khublei: Kong C. Nongbri, Secretary Seng Kynthei Union
Pynwai da ka Moderator

Ia ka Khuri ding yn tbeh bad pynlip da I Moderator jong kawei pa kawei ka jingiaseng. La kyrpad ia ki Nongshimbynta baroh ban kitkhia ia la ka jong ka bynta khnang ba ka jingiaseng kan long kaba iaid beit iaid ryntih. I Bah Pliebok Mylliemngap in ialam ia ki jingiaseng da ka jingtem.


Note: La kyrpad ia ki parabangeit baroh ban wan sha ka Jingiasengbah da ka jingshongshit mynsiem bad wanrah la ka bam bad ki jainkup thiah kiba syaid kumba shait leh barabor.

Secretary,
Seng Kynthei, UUNEI.

SHIM BYNTA KA NIAM UNITARIAN HA KA JINGIALANG PUJA

SHIM BYNTA KA NIAM UNITARIAN HA KA JINGIALANG PUJA
- da u Editor.

Ha ka jingiakynduh ba la ai kyrteng" Get-Together of Harmony" ba la pynlong da ka Central Puja Committee, Shillong, ha ka 12 tarik u October, 2010,ha shuwa ban sdang ka Durga Puja, la khot sngewbha ia u Rev.P.G.Marbaniang bad mihkhmat na ka liang jong ka Niam Unitarian, hapdeng ka jingdon jong ki kynhun niam bapher.Kane ka jingiakynduh ka iahap ruh ka jingrakhe burom ia ka jingdap 50 snem jong ka Rajasthani Durga Puja Samiti, bad ia kane ka function la pdiang da kane ka kynhun.U Kongsan, u Lat jong ka Jylla Meghalaya, u Shri R.S Mooshahary, u laban halor ka jingdonkam ia ka niam bakhlem jingknia, hynrei kaba mane beit tang ia U Blei khlem pynthut ne pynjot ia ki para jingthaw, namar baroh ngi longtrai ia kane ka pyrthei.U la pynkynmaw ba ka jingiaishah niam ka long kaba donkam haduh katta katta, khamtam ha ki por mynta.U la iathuh ruh ba ka kyntien"Kris" ha u Jisu Kris ka la mih na ka kyntien"Krish" jong u blei Krishna. Kiwei pat ki riewpawkhmat kiba la ai jingkren ki long u Deputy Chief Minister, u Bah Bindo M. Lanong, u Dr. D.D.Lapang, u Minister A.T.Mondal.La pyni ruh ia ka jingshad bad jingrwai tynrai da ki khynnah bad riew kynthei Rajasthani, bad ki khynnah skul baduk jong ka skul Tibet ha Shillong ki la tem bad la put ia ki jingrwai ieid ri ba pynmyllung.

Ha shuwa kane, la pynkup ia baroh ki rangbah niam bad ki riewpawkhmat da artylli ki shawl Hindu. U Rev. Marbaniang u la tbeh ding ia kawei na ki sharak jong ka Puja bad u la ialam ia baroh ha ka jingduwai ba la pynkhreh kyrpang da i Padmashri Kong Patricia Mukhim shaphang ka jingiatylli lang ki jaid niam baroh, bad ka jingshongsuk shongshngain jong baroh ki jaidbynriew bapher. La sam paidbah ruh ia ka Golden Jubilee souvenir ba la pynlait paidbah da u Lat.

KA JINGRAKHE ANNIVERSARY HA BALANG LABAN

KA JINGRAKHE ANNIVERSARY HA BALANG LABAN.
- da u Rev. P.G.Marbaniang
Madan Laban, Shillong: Hadien ka jingpynlong ia ki jingiaseng Anniversary da ka Sunday school, Seng Kynthei, Seng Samla, bad ka jingiaseng kynmaw lang, ka jingrakhe lang ia ka jingdap 123 snem jong ka jingseng ia ka Niam Unitarian hangne ka la sdang ha ka 18 tarik ha ka por 9 baje mynstep da ka jingiaseng duwai step.Ha ka jingiaseng mynsngi, ha kaba kumba 600 ngut ki la wan ban iashimbynta, ha ka jinglehkmen lang ka mariang bad hapdeng ka jingtem jingput da ka band jong ka Home Guard , la long kongsan da u Mr.Conrad Sangma, M.L.A. bad nongialam jong ka liang pyrshah ha ka State Assembly, bad u Bah Sanbor Shullai u la long u symbud kongsan. Ha kaba sdang, u symbud kongsan u la pyndeng syntiew ia ka dur jong u nongseng rangbah bad tbeh ding ia ka chalice ha khmat jingkhang.Ia ka jingiaseng la pyniaid da u Rev.P.G.Marbaniang, uba la ai ia ki kyntien lamkhmat, bad u kongsan u la tbeh ding ia ka chalice hapoh.La pynbud ia kane da ka jingtbeh ding ia ki 8 tylli ki mombati da ki nongialam niam jong ki 8 tylli ki kynhun niam bapher- Buddhist, Catholic, Seng Khasi, Hindu, Muslim, Seng Khasi,Brahmo Samaj, bad Unitarian.Ia ka jingiaseng la ialam da u Rangbah L. Mangkara Rani, la ioh jingrwai na ki khynnah Sunday school bad na ki samla, bad la ai jingduwai da u Rangbah Khrawbok Lyngdoh.Ha ka jingkren jong u, u Mr. Conrad Sangma u la la pynpaw ia ka jingkmen kaba phylla ban iohi ba ka Niam Unitarian ka long ka niam kaba kylluid bad kdup ia baroh haba haduh phra tylli ki jaid niam bapher ki la iawan ban iashimbynta ha kawei ka rynsan.U la kren shaphang ka jingngeit ba khlem lah pynkhih ha U Blei, bad ka jingpdiang hun ia ka mon bakhuid jong U. U la ong shuh shuh ruh ba lada ka jaidbynriew pyrthei ka bud ia ka ka jingburom bad jingiaishah jong ka Niam Unitarian ia ki jingiapher bakynja briew, ka pyrthei kan long kaba shongsuk bad yn lah ban lait na kiba bun ki thma niam. Ha ka por janmiet la pynlong ia ka jingiaid procession dongmusa hapoh ka Raid Laban, bad ka sngi ka babud la pynlong ia ka entertainment program da ka Seng Samla.

KA JINGAI SNGEWBHA ANNIVERSARY IA KA ORPHANAGE

- da u Samla Greenful Kharsyntiew.
Ka Seng Samla jong ka Balang Laban, ha ka 28 tarik u August, 2010, ka la leit pynlong ia ka jingiaseng bad jingai sngewbha ha Children's Village, Kharang, kum shibynta jong ka jingleh isynei Anniversary ia ki khunswet.Ha ka jingiaseng, u Moderator Bah Purple Kharsyntiew, u la tbeh ding ia ka chalice, nangta sa ioh sa ka jingkren pdiang sngewbha da i nongpyniaid ia ka Orphanage bad ka jingrwai pdiang sngewbha na ki khynnah khunswet. U Bah Greenful Kharsyntiew u la lam ia ka jingiaseng, bad u Bah Confide Rani u la ai ia ka jingkren lyngkot.I Kong Pynshisha Mylliemngap i la tyrwa ia ka jingduwai.

Hadien ba la wai ka jingiaseng, la sam ia ki jingai sngewbha jong ka Seng Samla hapdeng ki khynnah bad ruh ia kiba iadon lang ha katei ka program.La pynlong ia ka jingia-dihsha lang ryngkat bad ki jingbam ba la ai sngewbha da ka Seng Samla.

Ka Jingpyndon Burom ia ka Anniversary ba 123

La Pyndonburom iaka Sngikha ba 123 ka Senglang ha Balang Unitarian Nongthymmai

Nongthymmai, Shillong: Ka balang Unitarian ha Nongthymmai ryngkat bad kiwei pat ki balang Unitarian ha ri Khasi, Jaintia, Ri Bhoi bad Karbi Anglong ka la rakhe pyndonburom iaka Anniversary ba 123 ka Senglang da ka jinshitrhem bad jingsyaid mynsiema.Ka jingpynkhreh ia kane ka sngi bakhraw ka balang ka la sdang ar bnai mynshuwa da ki jingiaseng duwai ha man ki iing ki parabangeit bad ia ka taiew bakhatduh shuwa ka 18 tarik u September la pynlong jingiaseng ha iingmane man ka miet. Baroh ki tnad jong ka balang ki la pynlong ia ki programme bad jingiaseng kyrpang ha ki Sunday ha shuwa katei ka sngikha.
Ka jingrakhe pyndonburom haka 18 tarik ka la sdang haka por 7.45 mynstep da ka jingpynher iaka lama ka Senglang da I Rangbah Josingh Kharbuli, Sr. Church Visitor (Retd.)bad sa pynbud da ka jingiaseng bala pyniaid da ki khynnah Sunday School ka balang ha ryngkat ka jingtem piano da I heprit Phiailahun Nongbri bad iaka jingiathuhkhana la sam ha ngi da I Daaihunshisha Mylliempdah halor ka phang “ Pynthymmai la ki Mynsiem ha kane ka Sngi” kaba la pynbud da ka jingrwai choir da ki heprit ka balang.
Iaka Jingiaseng arsien la pyniaid da u Rangbah B. Niangti, Chairman ka balang bad iaka khubor Anniversary la sam ha ngi da I Rev. Derrick P. Pariat ,Secretary ka balang I ba la kren halor ka phang “ U Synniang U Babu H.K. Singh haka Imlang Sahlang Jong ngi- kaei ka bynta jong ngi ban iaibteng ia ki ?” La ioh ruh ia ki Choir naka Sunday School ka balang bad ruh na ki Male Voice ka balang kiba la ai iaka jingrwai “Khuriding Dak Ka Niam Wei- Blei.”
Iaka jingiasengmiet la lam da u samla Laikupar Mylliempdah bad ia ka jingiathuhkhana la ai da u samla Kumbamut Nongbri u ba la kren halor “ Ki Unitarian ki Pher na kiwei ?” Hadien ka jingiasengmiet la pynbud da ka ka jingiaid procession dongmusa ba I shongkun lyngba ki dong bapher ka shnong Nongthymmai.Ha kane ka sngi la don ruh ka jingiabamdoh sngewbha ha kaba la iashimbynta da baroh ki parabangeit bad ki paralok kumjuh.
Ka jingpyndonburom iaka Anniversary ka la kynthup ruh iaka Quiz Competition, kaba ia ryngkat bad ka juk mynta ha kaba la pyndonkam ia ki kor ki bor mass-media ha ki round bapher bapher, ha kaba la iashimbynta da ki samla bad khynnah ka balang, bad ka Variety Show kaba la iashimbynta ym tang da ki parabangeit hynrei bad ki paralok ruh kumjuh kiba kynthup ia u Magician bapawnam ka Shillong, U Bah Phillip Pariat bad ki nongtem bapawnam “Ki Strait Brothers”, kiba la pyniapngiah ia ki nongpeitkai baroh.
Ha katei ka sngi ngi la ioh ban ia don lang ruh bad I Dee Indani bad I Cathy Perry kiba long ki parabangeit jong ngi na America.

Thursday, November 4, 2010

Ka 33rd International Conference jong ka IARF

Ka report halor ka jingiashimbuynta ha ka 33rd World congress IARF
Imma Rani
Ka IARF conference ka la long naduh ka 4 tarik haduh ka 7 tarik u September, 2010 ha kaba la ia don lang kumba hynriew spah (600) ngut ki nongiashimbynta ha kane ka conference ryngkat bad ngi shiphew (10) ngut ki Unitarian nangne na shatei lam mihngi jong ka ri India. Ka matpdeng: theme jong kane ka jingialang ka long “Beyond conflict to reconciliation- The challenge of 21st century”. Ki prokram ki ong kumne harum:


4th September, 2010 (Saturday)
8:00 am: La sdang da ka registration jong baroh ki nongiashimbynta
1:30 pm: la plie ia kane ka jingialang da u riewshongblei u Dalai Lama uba khadsaw (14th) ha kaba ula phylliew jingmut ia ngi baroh halor ka jingdonkam ka niam ryngkat bad ka science bad technology. Ula pynshai ruh halor ka jingdonkam ki kynthei ban kit ha ka kam niam.
7:30 pm: la pynkut ia kane ka sngi da ka cultural program ba la pyniaid da ki khynnah samla ha kaba ki samla na kylleng ki ri ki la ia shim bynta lang ban pynsngewtynnad lang ia baroh ki nongia shim bynta.

5th September, 2010 (Sunday)
8:00 am: la sdang ia kane ka sngi da ka jingiaseng duwai ba la pyniaid da ki jait niam Shinto, Zorastrian, ki Muslim bad ki Jain ha ki jaka bapher bapher jong ka centre.
9:00 am: ngi la ia don ki “circle groups” ha kaba la phiah ia ki nongiashimbynta ha ki kynhun bapher bapher bad kine ki kynhun ki don la u jong u nongialam. Ha kane ka jingialang ngi la ia don ka jingpynia-i-thuh iwei ia iwei ha ka kynhun kaba ngi ia don.
10:30 am: Ka “plenary session” kaba nyngkong halor ka phang “Role of religion in promoting human rights” la pynshai da lai ngut ki nongkren; u Swami Agnivesh, Rev. Peter Morales bad I Ms. Marzia Rowhani Dalal. Kine baroh lai ngut ki la ia pynshai shaphang ka jingdonkam ban ia burom parabriew bad ban don ka jingkitkhlieh ha kaban iarap iwei ia iwei pat. La pynshai ruh shaphang ka jingiapher ka “Niam” bad ka “Jingngeit”.
4:15 pm: Ka workshop halor ka phang “Women as agent s for social change and cohesion” ha kaba la pyniaid da ki nongmihkhmat kynthei na ka ri Japan. Ki la ia kren shaphang ka jingshah pynjulor ka ri Hiroshima kaba la pynsngewsih kthang ia ki bad kumno ba hadien kane ka jingjulor kaba I shyrkhei, kane kajuh ka ri ka la long ka ri ha kaba shong ka jingshongsuk shongsain. Ki la ia kren ruh shaphang ka jingiatreukam ki seng kynthei ha Ladakh ban kyntiew ia ki kynthei naduh ki khynnah haduh ki tymmen ha ka pule puthi.
7:30 pm: la pynkut ia kane ka sngi da ki jingpyni “martisl arts” na ki nongiashimbynta na Tamil Nadu.

6th September, 2010 (Monday)
8:00 am: Kumba la long ha ka sngi ba la dep ha kane ka sngi ruh lah sdang ia ka sngi da ki jiniaseng duwai na ki niam; Unitarian, ki Jew, ki Buddhist bad ki Bahai.
9:00 am: Ngi la ia don ka “circle group” ha kaba ngi la ia phylliew jingmut lang halor ki jingkren ba la kren ha ka sngi ba la dep bad ngi la ia ai iala ki jong ki jinsngew shaphang kajuh hi ka phang.
10:30 am: La don biang ka jingpynshai halor ka phang “Science and Religion: Can they cooperate for the progress of humanity?” Kiba la pynshai halor kane ka phang ki long u Swami Jithathmananda Maharaj, u Dr. Steven Leeper bad u Rev. Abhi Janamanchi. Ki la ia pyni ba “h’ioid” ka nian bad ka science ki lah ban ia trei lang hynrei kaba kongsan mynta ka long ba “la u riewniam u lah mo ban iatrei lang bad u scientist?” u riewkit niam u ialeh pyrshah bad ka jingstad science ban pynduh noh ia ki “nuclear bombs” katba u scientist pat u nang ia wad ki lad ki lynti kumno ban shna u “nuclear bomb” uba kham khlain. Mynta la jan baroh ki ri ki la ia mynjur lang ha kaban ialeh pyrshah ia kane ka jinshna ia ki “nuclear weapons” bad ban iatreilang ban wanrah ia ka jingshongsuk shongsain ha ka pyrthei baroh kawei. Uwei pa uwei u briew u don la ka jong ka jingsngewthuh halor ka niam bad ka “science”. Ka “science” kam lomg kaba neh sah hajuh, ka don ka jongkylla ha man ki khyllipmat katba ka niam pat kadei ka lynti ban ia tylli kawei ha kaban wanrah bad pynneh ia ka jingsuk ha ka pyrthei. Ka ‘science” ka long kaei kaei kaba pyni ia ka jingshisha da ki kam ym tang ki ktien katba ka niam pat ka long kaei kaei kaba don hapoh ki mynsiem jong ngi wat la ngim iohi ia ka. U Albert Einstein u ong;” ka science khlem ka niam kalong kaba dkoh bad ka niam khlem ka science pat ka long kaba matlah”.

7th September, 2010 (Tuesday)
8:00 am: ha kane ka sngi la don ki jingiaseng duwai na ki kynhun niam; Hindu, ki Kristan bad ki Sikh.
9:00 am: ha kane ka circle group ngi la ia phylliew jingmut halor ki jingbha bad ki jingsniew kiba ngi la ia ioh na kane ka jingialang kaba 33.
10:30 am: ka phang ha kane ka “plenary session” kaba 3 kalong “ Hindus, Muslims and Christians: How they can live together in India”. Ki nonglamphang ha kane ka “sesseion” ki long; u Dr. Sheikh Ali, u Dr. Ninan Koshi bad u Dr. Neelakanda Radhakrishnan. Ka jingiasngewthuh jingmut bad ak jingburom kawei ka kynhun niam ia kawei pat ka long kaie kaei ka donkam eh ha kaban wanrah ia ka shongsuk shongsain ha ka pyrthei. Baroh ki kynhun niam ki hikai ia kaei kaei kaba bha bad ka lynti ruh kalong kajuh: ‘ ka lynti sha uwei u Blei bad ban ieid ia u para marjan kumba ialade”.
4:15 pm: la pynkut ia kane ka jingialang da ki “cultural program” bad ngi la ia ioh ruh ka jingpynkup burom ia u “President” uba thymmai jong ka IARF uba dei na ka ri Japan. Ngi la ia ioh ia ka jingkren na ki Samla kiba la pyni ia ki jingmyntoi da kaba wan sha kane ka jingialang bad kumno ba ngi ioh ki jingtip kiba thymmai kiba ngim jin da la ioh satia lymda ngi wan iashim bynta ha kane ka jinialang. La pynkut da ka jingpynithuh ia ki nongkitkam ba thymmai jong ka Seng Samla.